Mańǵystaýda 16 jastaǵy bozbala sýǵa batyp ketti
Kýágerlerdiń aıtýynsha, ol sol jerdegi balyq aýlaýǵa kelgen turǵyndardyń biriniń balasy.
Qazirgi ýaqytta oqıǵa ornynda qutqarýshylar, jergilikti atqarýshy jáne polıtsııa organdary jumys istep jatyr.
«Ókinishke qaraı, izdeý jumystary ázirge nátıje bermedi, ıaǵnı sýǵa batqan adamnyń denesi áli tabylǵan joq. Osyǵan qaraı, izdeý jumystaryna qaıyqtary jáne qutqarý qural-jabdyqtary bar volonterlerden kómek kórsetýdi suraımyz»,-degen habarlama tarap jatyr áleýmettik jelide.
Tótenshe jaǵdaı departamentiniń habarlaýynsha, adamnyń sýǵat batyp ketkeni týraly habarlama jergilikti ýaqyt boıynsha saǵat 16.35-te kelip túsken.
«Sýǵa batyp ketken bozbala Munaıly aýdanynyń turǵyny. Ákesimen birge «Shora» kanalyna sýǵa túsýge kelgen. Aldymen, bala kólge ózi túsip, kózden tasa bolǵan. Ákesi artynan júgiredi, ol da batyp kete jazdaǵan. Ákesin sol jerdegi balyqshylar shyǵaryp alypty. «Shora» kanalyna túsýge tyıym salynǵan. Bul jerde osy ýaqytqa deıin 40-tan astam adam sýǵa batyp ketken. Jyl saıyn adam qaıtys bolady, turǵyndar túsinbeıdi»,-deıdi oblystyq tótenshe jaǵdaı departamenti bastyǵynyń orynbasary Bekbolat Ábdiqadyrov.