Mańǵystaýda 16 myń bala mektep tabaldyryǵyn attaıdy

AQTAÝ. QazAqparat - Mańǵystaý oblysynda jańa 2017-2018 oqý jylynda 16 myń bala birinshi synypqa barady. Byltyrǵy oqý jyly da osynsha bala mektep tabaldyryǵyn attaǵan, dep habarlaıdy «QazAqparat» HAA tilshisi.

«Aqtaý qalasyndaǵy orta bilim berý mekemelerine 4 500, Beıneý aýdanynda - 1 675, Jańaózen qalasynda - 3 570, Qaraqııa aýdany mektepterinde 960 jáne Mańǵystaý aýdanynda 970 bala mektep tabaldyryǵyn attaǵaly otyr. Munaıly aýdanyndaǵy mektepterge 3 450, Túpqaraǵan aýdanynda 865 balanyń ata-anasy ótinish bildirdi», - dedi Mańǵystaý oblystyq bilim basqarmasynyń baspasóz hatshysy Botagóz Qazbekova.

Onyń aıtýynsha, oqýshylar oqýlyqtar jáne oqý-ádistemelik quraldarymen 100 paıyz qamtamasyz etiletin bolady.

2016-2017  oqý jyldarynda memlekettik grant ıelenýshiler sany eki esege artqan. Byltyrǵy oqý jylynda grant ıelenýshiler sany  542 adamdy qurasa, bıylǵy jyly bul kórsetkish 1 053-ke jetken.