Mańǵystaýda 1,8 tonna bekire tárkilendi

AQTAÝ. QazAqparat - Ekologııalyq polıtsııa qyzmetkerleri Mańǵystaý oblysynyń Túpqaraǵan aýdany Atash aýylyndaǵy turǵynnyń úıinen iri kólemde bekire tuqymdas balyq tapty, dep habarlaıdy QazAqparat.

Mańǵystaý oblystyq ІІD baspasóz qyzmetiniń málimetinshe, kúdiktiniń úıindegi garajdy tekserý barysynda, úsh tońazytqyshtan zańsyz saqtalǵan jalpy salmaǵy 715 keli bolatyn bekire tuqymdas balyq tárkilengen. Kúdikti balyqty aýlap, satýmen aınalysyp júrgenin moıyndady.

Sondaı-aq, Prıozernyı eldimekeninde, Gazel avtokóliginiń júk salǵyshynan 310 dana, ıaǵnı 1 156 kelige jýyq zańsyz aýlanǵan bekire tuqymdas balyq tabyldy.

Eki fakti boıynsha tárkilengen 1 871 keli bekire memleketke qaıtaryldy. Ustalǵandarǵa qatysty QR Qylmystyq kodeksiniń 339-baby boıynsha is qozǵalyp, tergeý amaldary júrip jatyr.


Foto: rostovgazeta.ru