Mańǵystaý álemniń 101 elimen saýda-sattyq jasasady
AQTAÝ. QazAqparat - Mańǵystaý oblysy 2015 jyldyń 12 aıynda «Іshki tutyný úshin shyǵarý» jáne «Taýarlar eksporty» kedendik rásimderinde resimdelgen syrtqy saýda aınalymy (Eýrazııalyq ekonomıkalyq qaýymdastyq ishindegi saýdany esepke almaǵanda) 10,4 mlrd sh.b. qurady.
2014 jylmen salystyrǵanda, bul kórsetkish 54,8 paıyzǵa tómendedi, onyń ishinde eksport 9,2 mlrd sh.b. (58 paıyzǵa tómendedi) jáne ımport 1,1 mlrd sh.b. (13,3 paıyzǵa ósim) qurady. Jalpy taýar aınalymynda ımport úlesi 11,3 paıyz, eksport - 88,7 paıyz boldy.
«Taýar aınalymynyń eleýli tómendeýi Tájikstan jáne Ýkraına Respýblıkasymen 88,9 jáne tıisinshe 80 paıyzdy quraıdy. Túrkimenstanmen taýar aınalymy 16,6 paıyzǵa, Ózbekstanmen 2,9 paıyzǵa tómendedi. Jáne kerisinshe: taýar aınalym ósimi Moldovamen (11,9 paıyzǵa) jáne Ázerbaıjanmen (5,8 paıyzǵa) tirkeldi», - dep atap ótti Mańǵystaý oblysy memlekettik kiris departamenti uıymdastyrý-qarjylyq basqarmasynyń basshysy Maqsat Aqmuratov.
TMD elderimen taýar aınalymynyń negizgi úlesi Ýkraına - 43,1%; Ázerbaıjan - 33,7%; Túrkimenstan - 13,5; TMD qalǵan elderiniń jalpy úlesi 9,7%-dy quraıdy.
Ótken jyly Mańǵystaý oblysynyń kásiporny álemniń 101 elderindegi áriptesterimen syrtqy ekonomıkalyq saıasatty júzege asyrdy.
