Mańǵystaýdyń jartasty meshitteri ıÝNESKO-nyń Dúnıejúzilik muralar tizimine enedi - Qarın
ASTANA. KAZINFORM – Prezıdent Ákimshiligi basshysynyń birinshi orynbasary Erlan Qarın Mańǵystaýdyń jartasty meshitteri ıÝNESKO-nyń Dúnıejúzilik muralar tizimine enetinin málimdedi.
- 2024 jyly Ulttyq quryltaıdyń Atyraýda ótken otyrysynda Qazaqstan Prezıdenti Qasym-Jomart Toqaev Mańǵystaýdyń biregeı jartasty meshitterin ıÝNESKO-nyń Dúnıejúzilik muralar tizimine engizý jumystaryn bastaýdy tapsyrǵan bolatyn.
Osy ýaqyt aralyǵynda nomınatsııalyq materıaldardy ázirleý baǵytynda aýqymdy jumys atqaryldy. Onyń aıasynda ǵylymı negizdemeler daıyndalyp, quqyqtyq jáne uıymdastyrýshylyq turǵydan jan-jaqty pysyqtaldy. Byltyr ıÝNESKO-nyń baǵalaý mıssııasy elimizge arnaıy kelse, al jýyrda ıÝNESKO-nyń Dúnıejúzilik muralar ortalyǵy jáne Eskertkishter men tarıhı oryndardy saqtaý jónindegi halyqaralyq keńestiń (ICOMOS) tehnıkalyq qorytyndylary alyndy, - dep jazdy Qarın.
Onyń dereginshe, keshe Koreıa Respýblıkasynyń Pýsan qalasynda ıÝNESKO-nyń Dúnıejúzilik muralar komıtetiniń 48-sessııasy óz jumysyn bastady. 29 shildege deıin jalǵasatyn jahandyq jıynǵa Dúnıejúzilik mádenı jáne tabıǵı murany qorǵaý týraly konventsııaǵa qatysýshy 196 memlekettiń úsh myńǵa jýyq delegaty, sondaı-aq halyqaralyq uıymdar men sarapshylar qaýymdastyǵynyń ókilderi jınalǵan.
- Aldaǵy on kún ishinde Komıtet ıÝNESKO-nyń Dúnıejúzilik muralar tizimine engizýge usynylǵan 30 jańa nomınatsııany qaraıdy. Solardyń qatarynda Qazaqstan usynǵan «Mańǵystaýdyń jartasty meshitteri jáne olarmen baılanysty kıeli oryndar» nomınatsııasy da bar. Bul nomınatsııa boıynsha qabyldanatyn oń sheshim elimiz úshin asa mańyzdy oqıǵalardyń biri bolmaq, dep jazdy Prezıdent Ákimshiligi basshysynyń birinshi orynbasary.
Aıta keteıik, ıÝNESKO Qazaqstan halqyn Dombyra kúnimen quttyqtady.
