Mańǵystaýdaǵy jerasty meshitterinen Parıj sahnasyna deıin: ıÝNESKO-men birlesken josparlar pysyqtaldy
ASTANA. KAZINFORM – Memlekettik keńesshi Erlan Qarınniń tóraǵalyǵymen Qazaqstan Respýblıkasynyń ıÝNESKO jáne ISESKO isteri jónindegi ulttyq komıssııasynyń jyl saıynǵy otyrysy ótti.
Іs-sharaǵa salalyq memlekettik organdardyń ókilderi, sondaı-aq Qazaqstandaǵy ıÝNESKO komıtetteriniń jetekshileri men basqa da sarapshylyq qaýymdastyqtarynyń músheleri qatysty.
Otyrysta ıÝNESKO jáne ISESKO uıymdarymen ózara is-qımyldy damytýdyń basym baǵyttary men aldaǵy josparlary talqylandy. Erlan Qarın Prezıdenttiń ıÝNESKO-men yntymaqtastyqty nyǵaıtýǵa aıyryqsha kóńil bólip otyrǵanyn atap ótip, Memleket basshysynyń osy baǵytta bergen tapsyrmalaryn oryndaýdyń mańyzyna toqtaldy.
Jıynda jasandy ıntellekt salasyndaǵy halyqaralyq ozyq tájirıbeni zerdeleý jáne sý máselesine qatysty jahandyq kún tártibin ilgeriletý jóninde naqty mindetter qoıyldy.
Sonymen qatar ıÝNESKO jáne ISESKO uıymdarynyń Astanada ótken Óńirlik ekologııalyq sammıt jáne ıÝNESKO aıasynda uıymdastyrylǵan Altyn Ordaǵa arnalǵan halyqaralyq sımpozıým sekildi mańyzdy is-sharalardy uıymdastyrýǵa qosqan qomaqty úlesi joǵary baǵalandy.
Otyrysqa qatysýshylar aldaǵy is-sharalarǵa daıyndyq máselelerin de pysyqtady. Atap aıtqanda, ıÝNESKO shtab-páterinde opera ánshisi Ermek Serkebaev pen rejısser Abdolla Qarsaqbaevtyń 100 jyldyq mereıtoılaryn atap ótý, sondaı-aq Pýsan qalasynda uıymdastyrylatyn ıÝNESKO-nyń Búkilálemdik muralar komıtetiniń 48-sessııasyna qazaqstandyq delegatsııanyń qatysýy sekildi máseleler talqylandy. Atalǵan sessııada Qazaqstan usynǵan «Mańǵystaýdyń jerasty meshitteri» nomınatsııasy qaralady.
Buǵan deıin Almatyda Memlekettik keńesshi Erlan Qarınniń tóraǵalyǵymen «Qazaqstan tarıhy: ejelgi dáýirden búginge deıin» atty jeti tomdyq akademııalyq basylymdy ázirleýge qatysty redaktsııa alqasynyń kezekti otyrysy ótken edi.
