Mańǵystaýda qıyrshyq tasty zańsyz óndirgen kompanııa anyqtaldy
AQTAÝ. KAZINFORM — Mańǵystaý oblystyq ekologııa departamenti «Shetpe tas» jaýapkershiligi shekteýli seriktestigine qatysty ekologııalyq zańnama talaptarynyń saqtalýyn baqylaý maqsatynda, jospardan tys tekseris júrgizdi.
Nátıjesinde seriktestiktiń Mańǵystaý aýdany aýmaǵyndaǵy «Jańa Orpa-2» ken ornynda qıyrshyq tas óndirý qyzmetin qorshaǵan ortaǵa emıssııalarǵa arnalǵan ekologııalyq ruqsatsyz júzege asyryp kelgeni anyqtaldy.
— Tekserý qorytyndysy boıynsha tekserý aktisi jasaldy. Anyqtalǵan buzýshylyqtardy joıý týraly nusqama berildi. Qazaqstan Respýblıkasynyń Ákimshilik quqyq buzýshylyq týraly kodeksiniń 328-babynyń 1-bóligi boıynsha ákimshilik is qozǵaldy, — delingen habarlamada.
Ekologııalyq kodekstiń 178-babynyń 1-tarmaǵynyń 3-tarmaqshasyna sáıkes, memlekettik ekologııalyq baqylaýdy júzege asyratyn laýazymdy tulǵalar ekologııalyq zańnamany buza otyryp, qyzmet júrgizetin sýbektilerdiń qyzmetin shekteý, toqtata turý nemese oǵan tyıym salý týraly talap-aryzdy sotqa berýge quqyly.
Osyǵan oraı, Mańǵystaý oblystyq ekologııa departamenti tarapynan «Shetpe tas» JShS-niń Mańǵystaý aýdany, Shetpe kenti mańyndaǵy «Jańa Orpa-2» ken ornynda 15.12.2006 jyly jasalǵan kelisimshart negizinde júzege asyryp otyrǵan qyzmetin tıisti ekologııalyq ruqsat alynǵanǵa deıin toqtata turý týraly talap aryz Mańǵystaý oblysynyń mamandandyrylǵan aýdanaralyq ekonomıkalyq sotyna joldanǵan.
Buǵan deıin Aqtaýda munaıdy shetelge zańsyz tasymaldaǵan toptyń jumysy qalaı uıymdastyrylǵany týraly jazǵan bolatynbyz.