Mańǵystaýda balyqtar jappaı qyryldy: synama qorytyndysy qandaı

AQTAÝ. KAZINFORM – Oqıǵa 7-shilde kúni bolǵan. Túpqaraǵan aýdany Baýtın eldi mekeniniń jaǵalaýynan balyqtardyń óleksesi tabylǵan. 

Mańǵystaý oblystyq ekologııa departamentiniń mamandary men balyq sharýashylyǵy basqarmasynyń qyzmetkerleri sol kúni oqıǵa ornyna baryp, teńiz sýynan synamalar aldy. Búgin sol zertteýlerdiń nátıjeleri shyqqan.

Ekologııa departamentiniń málimetinshe, zerthanalyq-taldamalyq baqylaý bóliminiń júrgizgen taldaýlary nátıjesinde, sý synamalarynan lastaýshy zattar tabylǵan joq.

Biraq, soǵan qaramastan, quzyrly organdar Kaspııdegi jaǵdaıǵa monıtorıng júrgizýdi jalǵastyryp jatyr.

Sonymen qatar, mamandar turǵyndardy osyndaı jaǵdaılarǵa kýá bolsa, habarlaýǵa shaqyrdy.

Buǵan deıin, Mańǵystaýda teńiz jaǵalaýynan ólgen balyqtar tabylǵany týraly jazǵan bolatynbyz.