Mańǵystaýda azyq-túlik qory jetkilikti
AQTAÝ. KAZINFORM – Tótenshe jaǵdaı kezinde turǵyndar ónim tapshylyǵyn qoldan týyndatý nemese baǵany negizsiz kóterý derekterine kýá bolsa, olar aýdan ákimdikteri kásipkerlik jáne saýda basqarmasy ókilderiniń kómegine júgine alady.
Bul týraly Mańǵystaý oblystyq kásipkerlik jáne saýda basqarmasynyń basshysy Dastan Muratalıev málimdedi.
«Óńirde sý tasqyny jaǵdaıynda azyq-túlik taýarlary qory jetkilikti. Alaıda, áleýmettik jelilerde azyq-túlik tapshylyǵy týyndaýy yqtımal degen dáıeksiz aqparat paıda boldy. Men halyqty dúrmekke ermeýge, sabyrlyq tanytýǵa jáne resmı aqparat kózderine senýge shaqyramyn», - dedi Dastan Muratalıev.
Eger óńir turǵyndary azyq-túlik baǵasynyń negizsiz kóterilgenine kýá bolsa, aýdandyq kásipkerlik bólimderiniń qyzmetine shaǵym túsirýine bolady.
