Mańǵystaýda 4 ashana qyzmetkerine qatysty sot úkimi shyqty

AQTAÝ. KAZINFORM – Munaıly aýdany Besshoqy aýylyndaǵy mekteptiń ashanasynda oqýshylarǵa tamaq ázirlegen tórt jumysshy medıtsınalyq tekserýden ótpesten jumys istegen.

Sotta olar jalǵan medıtsınalyq qorytyndyny 5000 teńgege satyp alǵanyn aıtqan. Jalǵan qujatta medıtsınalyq tekserý, flıýrografııa, dermatologııalyq tekserý jáne bakterıologııalyq zertteýden ótip, jumysqa jaramdy ekeni jazylǵan.

- 4 azamatqa qatysty sot úkimi jeltoqsan aıynda jarııalandy. Onyń birine 40 aılyq eseptik kórsetkish, qalǵan úsh azamatqa 20 aılyq eseptik kórsetkish kóleminde aıyppul jazasy taǵaıyndaldy. Qazirgi tańda sot úkimi zańdy kúshine endi, - deıdi Munaıly aýdandyq soty ákimshiliginiń basshysy Ersin Qazıev.

ıAǵnı aıyptalýshylardyń birine 148 myń teńge, qalǵan úsheýine 74 myń teńgeden aıyppul salynǵan. Eske salaıyq, qyrkúıekte Besshoqy aýylyndaǵy mekteptiń 500 ge jýyq oqýshysy astan ýlanyp, aýrýhanaǵa túsken edi. Abyroı bolǵanda balalar emdelip shyqty. Biraq tekserýler nátıjesinde mektep ashanasynda sanıtarlyq talaptar saqtalmaǵan bolyp shyqty. Aspazdan bastap, ózge de jumysshylardan stafılokokk bakterııasy tabyldy.

Oqıǵaǵa qatysty qylmystyq is qozǵaldy. Jýyrda ashana meńgerýshisine qatysty sot otyrysy bastaldy.