Manchesterde er adam turǵyndarǵa pyshaqpen shabýyldady

ASTANA.KAZINFORM - Beısenbi kúni tańerteń Manchesterdegi Hıton-Park sınagogasynyń janynda kólik bir top adamdy soqty. Artynsha júrgizýshi pyshaqpen sekirip shyǵyp, qasyndaǵylardyń birin jaralady, dep habarlaıdy Bild.

Shabýyl tańǵy saǵat 9:30 shamasynda jasaldy. Kýágerlerdiń aıtýynsha, er adam sınagogaǵa kirmek bolǵan, biraq ony kirgizbegen.

Qarýly polıtsııa qyzmetkerleri kóp uzamaı oq jaýdyryp, kúdiktini jaralady. Ol aman qaldy, biraq onyń jaǵdaıy týraly basqa aqparat joq.

Kem degende bes adam zardap shekti, tórteýin kólik qaǵyp, taǵy bireýi pyshaqtaldy.

The Daily Telegraph basylymynyń habarlaýynsha, polıtsııa bul shabýyldy terakt dep baǵalap otyr.

Sınagoganyń aınalasy qorshaýǵa alynǵan, oqıǵa ornynda tergeýshiler men qaýipsizdik qyzmeti jumys istep jatyr.

Sky News brıtan premer-mınıstri Kır Starmer Manchesterdegi yqtımal teraktige baılanysty Danııada ótetin sammıtke qatysýdan bas tartyp, elge oralatynyn habarlady.

Osyǵan deıin Gambýrgte pyshaqpen qarýlanǵan áıel 12 adamdy jaraqattaǵany týraly jazdyq.