Malaızııada Telegram-ǵa tyıym salyndy
ASTANA. KAZINFORM — Malaızııanyń Baılanys jáne mýltımedııa komıssııasy zııandy kontentti taratqany úshin aıyptalǵan Telegram men onyń eki arnasy — «Edisi Siasat» jáne «Edisi Khas»-qa qatysty ýaqytsha sanktsııa saldy, dep habarlaıdy Kazinform tilshisi.
Malaızııalyq retteýshi Telegram tarapynan júıeli buzýshylyqtardy jáne platformanyń qoǵamdyq senimdi turaqsyzdandyrýy jáne etnosaralyq nemese dinı qarym-qatynastardy ýshyqtyrýy múmkin mazmundy dereý joıa almaýyn atap kórsetedi.
— Bul áleýmettik jeli platformasyna qarsy birinshi sot isi, ásirese Telegram-dy qosymshalar qyzmeti lıtsenzııalaǵanyn eskersek, — delingen habarlamada.
Buǵan deıin Daǵystan men Sheshenstanda Telegram buǵattaldy.
Daǵystan Respýblıkasynyń Tsıfrlyq damý mınıstri ıÝrıı Gamzatov messendjerdi teris pıǵyldy adamdar jıi qoldanatynyn basa aıtty. Sondaı-aq Vetnam úkimeti telekommýnıkatsııa operatorlarynan Telegram-dy el ishinde buǵattaýdy talap etti.
Ótken jyly Ońtústik Koreıa polıtsııasy Telegram-ǵa shıfrlanǵan habar almasý platformasynda jasandy ıntellekt arqyly jasalǵan jasóspirimderdiń ashyq sýretterimen qosa dıpfeık dep atalatyn pornonyń taralýyna «kómektesti» degen aıyp taqty.