Malaızııa Ózbekstandaǵy ken oryndaryn ıgerýge múddeli
TAShKENT. KAZINFORM – Malaızııaǵa resmı saparmen barǵan Ózbekstan basshysy Shavkat Mırzıeev Petronas korporatsııasynyń prezıdenti Mýhammed Taýfıkpen kezdesý ótkizdi, dep habarlaıdy Kazinform agenttiginiń menshikti tilshisi.
Taraptardyń kezdesýi barysynda Ózbekstan men Malaızııanyń munaı-gaz, hımııa jáne energetıka salalaryndaǵy yntymaqtastyǵy talqylandy.
- Geologııalyq barlaý júrgizý jáne perspektıvaly ken oryndaryn ıgerý, kómirqyshqyl gazynyń qorshaǵan ortaǵa keltiretin zalalyn azaıtý úshin ozyq tehnologııalardy engizý máseleleri yntymaqtastyqtyń basym baǵyttary retinde aıqyndaldy. Sondaı-aq, taraptar Petronas ýnıversıtetiniń bazasynda joǵary bilikti kadrlardy daıarlaýǵa ýaǵdalasty, - delingen Ózbekstan prezıdentiniń baspasóz qyzmeti taratqan habarlamada.
Eske salaıyq, Ózbekstan gaz óndirisin ulǵaıtý maqsatynda bıyl 15 ýchaskede geologııalyq barlaý júrgizbek.
Qosa ketsek, buǵan deıin Qytaıdyń Ózbekstandaǵy elshisi resmı Beıjiń Ortalyq Azııa elderimen birlesip ónerkásiptik kooperatsııany damytýǵa nıetti ekenin málimdep edi.