SQO-da bıyl jaz jyldaǵydan jyly bolmaq
PETROPAVL. KAZINFORM – Soltústik Qazaqstan oblysy turǵyndaryn bıyl jaıly jaz kútip tur. Sınoptıkterdiń boljamynsha, kún jyly, jaýyn-shashyn qalypty deńgeıde bolady.
«Qazgıdromet» kásiporny oblystyq fılıalynyń málimetinshe, maýsymda ortasha aýa temperatýrasy klımattyq normadan 1–2°S-qa joǵary bolady. Ádette bul aıda ortasha temperatýra +17,7…+19,0°S shamasynda qalyptasqan.
Jańbyr kópjyldyq kórsetkishke saı 37–49 mm aralyǵynda jaýady dep boljanǵan.
Jazdyń eń ystyq aıy – shildede aýa temperatýrasy kópjyldyq normaǵa saı bolmaq. Bul aıda ortasha temperatýra +18,7…+20,3°S aralyǵynda saqtalady.
Jaýyn-shashyn mólsheri, oblystyń soltústik bóligin qospaǵanda, negizinen qalypty deńgeıde bolady. Al soltústik óńirlerde kórsetkish sál joǵarylaýy múmkin. Kópjyldyq norma – 56–81 mm.
Tamyz aıynda aýa temperatýrasy ortasha kórsetkish +17,0…+18,2°S normadan 1–2°S-qa joǵary bolady dep boljanǵan. Al jaýyn-shashyn ádettegideı 42–54 mm mólsherinde bolmaq.
Buǵan deıin QR Tótenshe jaǵdaılar mınıstrligi órt qaýpi joǵary maýsymnyń bastalýyna tabıǵatta jáne sý jaǵasynda qaýipsizdik erejelerin saqtaýǵa shaqyrǵanyn jazǵan edik.
