M.Esenbaev shekaradaǵy keden ınfraqurylymyn damytýǵa múddeli
ASTANA. 25 sáýir. QazAqparat - Biz shekaradaǵy keden ınfraqurylymyn damytý boıynsha Úkimetke arnaıy usynyspen shyǵýdy josparlap otyrmyz.
Bul týraly búgin Astanada ótken baspasóz máslıhatynda QR Qarjy mınıstrligi Kedendik baqylaý komıtetiniń tóraǵasy Májıt Esenbaev málim etti.
«Biz Qytaıda sııaqty shekara aımaǵynda ýaqytsha saqtaý qoımalaryn kóptep salýymyz qajet. Menińshe, ondaı ınfraqurylym, eń aldymen, qazaq-qytaı jáne qazaq-qyrǵyz shekaralarynda bolady», - deıdi M.Esenbaev.
Komıtet basshysy atap kórsetkendeı, qazirgi kezde Qazaqstan-Qytaı shekarasynda barlyq kedendik tekseristerdi barynsha ońtaılandyrý jumysy júrgizilip keledi. «Ázirshe, bul jumys tek tájirıbe retinde ǵana jasalyp jatyr», - deıdi ol.
