LRT-nyń alǵashqy vagondary Astanaǵa jóneltildi
ASTANA. KAZINFORM – Qytaıdyń Tanshan qalasynda Astana qalasyna arnalǵan LRT vagondarynyń alǵashqy eki quramy jiberildi.
Qazaqstan tarapynan sharaǵa «City Transportation Systems» JShS basqarma tóraǵasy Asylbek Dúısebaev qatysty. Qytaı tarapynan «CRRC Tangshan Co., Ltd» jyljymaly quramdy óndirýshi zaýyttyń Basqarma tóraǵasy Chjoý Tsıýnnıan jáne bas merdiger CRAEC kompanııasynyń bas dırektory Chjoý Haıveı qatysty.
Tanshan qalasyndaǵy zaýytta joba aıasynda barlyǵy 19 birlik jyljymaly quram óndiriledi. Zamanaýı, tórt sektsııaly, júrgizýshisiz júretin, avtomattandyrýdyń tórtinshi deńgeıindegi vagondardyń árqaısysy 650 jolaýshyǵa arnalǵan.
Óndiris 1881 jyly qurylǵan Qytaıdyń temirjol salasyndaǵy eń iri ári kóne kásiporyndarynyń biri — «CRRC Tangshan» zaýytynda júzege asyrylady.
- Astanaǵa alǵashqy eki quramdy jetkizý maýsym aıyna josparlanǵan. Qalǵan 17 quram osy jyl sońyna deıin jetkiziledi. Jelini synaqtan ótkizýdi bastaý qyrkúıek aıyna josparlanyp otyr. Qazir Astanadaǵy LRT jobasy aıasynda qurylys jumystarynyń basym bóligi aıaqtaldy. Jol tóseý, stantsııalar qasbetin montajdaý, estakadanyń tirekteri men arqalyqtaryn syrlaý, syrtqy ınjenerlik jelilerdi qosý, estakada asty aımaǵyn abattandyrý jáne depo qurylysy jumystary jalǵasyp jatyr, - dep habarlaıdy «City Transportation Systems» JShS.
Aıta ketsek, elordadaǵy LRT relsiniń 25 paıyzy tóseldi.
LRT bıyl kúzde testilik rejımde iske qosylady.
Eske salaıyq, elorda ákimi Jeńis Qasymbek LRT-de jol júrý baǵasy qansha bolatynyn aıtty.