Lıtvadaǵy qazaqstandyq stýdentter elge oraldy

NUR-SULTAN. QazAqparat - 28 naýryzda Qazaqstannyń Lıtvadaǵy Elshiliginiń qoldaýymen Vılnıýs, Kaýnas jáne Klaıpeda qalalarynda oqıtyn 15 qazaqstandyq stýdent elge qaıtty. Bul týraly QazAqparat QR Syrtqy ister mınıstrligine silteme jasap habarlaıdy.

28 naýryzda Qazaqstannyń Lıtvadaǵy Elshiliginiń qoldaýymen Vılnıýs, Kaýnas jáne Klaıpeda qalalarynda oqıtyn 15 qazaqstandyq stýdent Mınsk arqyly Nur-Sultan men Almatyǵa ushty.

«Belavıa» áýekompanııasymen oryndalatyn baǵyt - Otanymyzǵa oralatyn birneshe baǵyttyń biri.

«Naýryz aıynyń ortasynan bastap - halyqaralyq áýe qatynastarynyń toqtatylǵan ýaqytynan beri Elshiliktiń qoldaýymen 50-den astam qazaqstandyq úılerine aman-esen oraldy. Olardyń arasynda lıtvalyq joǵarǵy oqý oryndarynda bilim alyp júrgen qazaqstandyq stýdentter, «Bolashaq» baǵdarlamasy boıynsha taǵylymdamadan ótkender bar», - delingen baspasóz habarlamasynda.