Leffler Golovkınniń eki izbasarynyń atyn atady

NUR-SULTAN. QazAqparat – Qazaqstandyq boksshy Gennadıı Golovkınniń promoýteri Tom Leffler klıentteriniń ishinde GGG jolymen kim júretinin aıtty, dep habarlaıdy QazAqparat Sports.kz-ke silteme jasap.

— Gennadıı únemi yntamen daıyndalatyn, ol jekpe-jek úshin barlyǵyn qurban etti. Biraq, bilesiz be, Sergeı Bogachýk sekildi jigitter bar – ol Golovkın tárizdes, al jasy bar bolǵany 24-te. Ol týraly oılamaý, olardy salystyrmaý múmkin emes. 20 nemese 24 jastaǵy jigittermen jumys istegende únemi solaı bolady. Sonymen qatar, bizde 22 jastaǵy Adrıan Montoııa bar. Olardyń mansaby qalaı damıtynyn syrttaı baqylaǵan da qyzyqty, - dedi Leffler.

Ýkraınalyq boksshy Sergeı Bogachýk (14-0, 14 KO) birinshi orta salmaqta judyryqtasady. Ol WBC Continental Americas chempıony. Meksıkalyq Adrıan Montoııa (11-0, 9 KO) ázirge tıtýldyq jekpe-jek ótkizgen joq.