Qytaılyq stýdentter qazaqsha mýltfılm túsirdi
«Aqqus» mýltfılmin Qytaı kommýnıkatsııa ýnıversıtetiniń (Communication University of China) túlekteri dıplomdyq jumystaryna túsirgen. Fılmniń stsenarııin Go Zyhao esimdi qytaı stýdenti jazyp, ony tórt kýrstasymen birge túsirgen. Al mýltıplıkatsııalyq fılmdi qazaq tiline aýdarý jáne keıipkerlerdi dybystaý máselesinde stýdentter Shyńjańnyń qazaqtar mekendep otyrǵan Altaı qalasy telekanalynyń kómegine júgingen.
Go Zyhaonyń aıtýynsha, ulty qytaı bolǵanyna qaramastan, Beıjiń qalasyna kelgen osy ýaqytta týǵan jeri Altaıdyń tereń tarıhy men qazaqtardyń turmys-tirshiligi óziniń ómirine ushan-teńiz ózgeris alyp kelgen. Ol Aqqus arqyly qazirgi kezdegi Qytaıdaǵy qazaq jastarynyń jan-dúnıesin kórsetýge tyrysqan.
Mýltfılm 14 mınýtqa sozylady. Onda Aqqus atty qalada ósip, taǵdyrdyń jazýymen kishkentaıynan anasy men ákesiniń aıaly alaqanyn birdeı sezinbegen qazaq qyzynyń anasy dúnıeden ozǵannan keıin, jaılaýǵa kelip, bala kezinen birge turmaǵan ákesimen qarym-qatynas ornatýy baıandalady. Jaılaýdaǵy ómir men ondaǵy keıipkerler arqyly qazaqtyń salt-dástúrleri kórsetiledi.
«Aqqus» Tencent vıdeo portalyna 20 maýsym kúni júktelip, ol osy ýaqytqa deıin 2 mıllıonnan astam ret qaraldy.
