Qytaıdan taraǵan koronavırýs AQSh-qa jetti

NUR-SULTAN. QazAqparat – Amerıka Qurama Shtattary óz aýmaǵynda koronavırýstyń alǵashqy jaǵdaıy tirkelgenin málimdedi, dep habarlaıdy QazAqparat VVS-ke silteme jasap.

Aýrýlardy baqylaý ortalyǵy Qytaıda paıda bolǵan jańa vırýs Sıetl turǵynynan anyqtalǵanyn habarlady.

Ortalyq ókilderiniń aıtýynsha, vırýs juqtyrǵan 30 jastaǵy azamat Qytaıdyń Ýhannan qalasynan 15 qańtar kúni kelgen.

«Patsıent densaýlyǵy bolmaı, Vashıngton shtatyndaǵy aýrýhanalardyń birine júgingen. Qazir sol jerde em alyp jatyr. Emdelýshiniń baryp kelgen sapary men sımptomdaryna qarap, oǵan koronavırýs dıagnozy qoıyldy», - dep jazady basylym.

Aıta ketý kerek, Qytaı resmı túrde dúısenbi kúni vırýstyń adamnan adamǵa juǵýy múmkin ekenin málimdedi. Ol elde koronavırýstyń jańa túrin juqtyrǵandar sany 440 adamǵa jetkeni jáne osy aýrýdan toǵyz adamnyń kóz jumǵany habarlandy. Sondaı-aq, Qytaıda taraǵan pnevmonııa Taılandta da tirkeldi.