Kvadrokopter alǵash ret La-Mansh buǵazyn kesip ótti

ASTANA. QazAqparat - Ushqyshsyz basqarylatyn quraldardy basqarý boıynsha kommertsııalyq qyzmetterdi usynýda mamandanyp otyrǵan brıtandyq Ocuair kompanııasynyń kvadrokopteri alǵash ret La-Manshtan asty, dep jazdy N+1 saıty.

Enduro-1 atty kvadrokopterdiń Frantsııanyń soltústik-batys jaǵalaýynan brıtandyq Dývr qalasynyń mańyna deıin ushýy 2016 jylǵy 16 aqpan kúni ótip, 72 mınýt ýaqytty aldy. Bul ýaqytta dron 35 shaqyrym qashyqtyqty artta qaldyrdy.

Ocuair mamandarynyń aıtýynsha, olar kvadrokopter úshin ushý uzaqtyǵynyń rekordyn ornatyp, kvadrokoptermen La-Manshtan sátti asqandardyń alǵashqysy boldy.