Birneshe oblysta tótenshe órt qaýpi saqtalady – Qazgıdromet
ASTANA. KAZINFORM – «Qazgıdromet» Qazaqstan aýmaǵy boıynsha 2026 jylǵy 4 mamyrǵa arnalǵan jalpy aýa raıy boljamyn jarııalady. Sınoptıkter Almaty, Shymkent jáne Qazaqstannyń barlyq oblysynda qaýipti aýa raıy jaǵdaılarynyń bolatynyn habarlady.
Almatyda jańbyr men naızaǵaı kútiledi, túngi jáne tańerteńgi ýaqytta keı jerlerde qatty jańbyr jaýady. Jeldiń jyldamdyǵy keıde 15 m/s-qa deıin jetedi. Іle Alataýynyń taýly aımaqtarynda (Medeý jáne Bostandyq aýdandarynyń taýly bólikteri) túnde qatty jaýyn-shashyn (jańbyr, qar), kúndiz qatty jańbyr, naızaǵaı, burshaq jáne daýyl bolady. Jeldiń ekpini 15–20 m/s-qa deıin kúsheıedi.
Almaty oblysynyń ońtústiginde keı ýaqytta qatty jańbyr jaýady. Oblystyń batysy, ońtústigi, ortalyǵy men taýly aımaqtarynda jańbyr, naızaǵaı, burshaq jáne daýyl kútiledi. Jel 15–20 m/s-qa deıin, al oblystyń shyǵysynda keıde 25 m/s-qa deıin kúsheıedi. Soltústik bóliginde órt qaýpi joǵary deńgeıde saqtalady. Qonaev qalasynda túngi jáne tańerteńgi ýaqytta jańbyr men naızaǵaı bolady, jeldiń jyldamdyǵy 15–20 m/s-qa deıin jetýi múmkin.
Shymkentte jańbyr, naızaǵaı men daýyl kútiledi. Jel 15–20 m/s-qa deıin kúsheıedi.
Túrkistan oblysynyń batysy, ońtústigi, ortalyǵy, taýly jáne taý bókterindegi aýdandarynda jańbyr, naızaǵaı jáne daýyl bolady, taýly aımaqtarda qatty jańbyr men burshaq jaýýy múmkin. Jel 15–20 m/s-qa deıin kúsheıedi. Soltústiginde órt qaýpi joǵary deńgeıde saqtalady. Túrkistan qalasynda túnde jańbyr, naızaǵaı jáne daýyl kútiledi, jel 15–20 m/s-qa deıin kúsheıedi.
Aqtóbe oblysynyń batysy, soltústigi jáne shyǵysynda jańbyr men naızaǵaı bolady. Túngi jáne tańerteńgi ýaqytta batysy men soltústiginde tuman túsedi. Jel túnde soltústikte, kúndiz shyǵysta, ońtústikte jáne ortalyqta 15–20 m/s-qa deıin jetedi. Ońtústiginde órt qaýpi joǵary deńgeıde saqtalady.
Ulytaý oblysynyń shyǵysy men ortalyǵynda órt qaýpi joǵary deńgeıde saqtalady. Jezqazǵan qalasynda da órt qaýpi bar.
Atyraý oblysynyń soltústigi, shyǵysy jáne ońtústiginde kúndiz jańbyr, naızaǵaı jáne burshaq kútiledi. Túnde jáne tańerteń oblystyń soltústigi men shyǵysynda tuman bolady. Jel kúndiz soltústikte jáne shyǵysta 15–20 m/s-qa deıin jetedi. Atyraý qalasynda kúndiz jańbyr men naızaǵaı bolady.
Qyzylorda oblysynyń batysynda kúndiz shańdy daýyl kútiledi. Jel 15–20 m/s-qa deıin kúsheıedi. Oblystyń shyǵysy, ońtústigi jáne ortalyǵynda órt qaýpi joǵary deńgeıde saqtalady. Qyzylorda qalasynda da órt qaýpi bar.
Qaraǵandy oblysynda túngi jáne tańerteńgi ýaqytta ońtústik jáne ońtústik-shyǵys aımaqtarynda jel 15–20 m/s-qa deıin kúsheıedi. Oblystyń batysy, soltústigi jáne ońtústiginde órt qaýpi joǵary deńgeıde saqtalady. Qaraǵandy qalasynda da órt qaýpi bar.
Mańǵystaý oblysynyń batysy, soltústigi jáne ortalyǵynda jańbyr men naızaǵaı bolady. Túnde jáne tańerteń batysy men ortalyǵynda tuman túsedi. Jel soltústiginde 15–20 m/s-qa deıin jetedi. Aqtaý qalasynda túngi jáne tańerteń tuman bolady.
Jambyl oblysynyń ońtústigi, shyǵysy jáne taýly aýdandarynda jańbyr, naızaǵaı, burshaq jáne daýyl kútiledi, taýly aımaqtarda qatty jańbyr jaýady. Túngi jáne tańerteńgi ýaqytta taýly aýdandarda tuman bolady. Jel tańerteń jáne kúndiz ońtústik-batys, soltústik-shyǵys jáne taýly aýdandarda 15–20 m/s-qa deıin jetedi. Oblystyń ortalyǵy men soltústiginde órt qaýpi joǵary deńgeıde saqtalady. Taraz qalasynda jańbyr, naızaǵaı jáne burshaq jaýýy múmkin.
Qostanaı oblysynyń batysy, soltústigi jáne shyǵysynda jańbyr, naızaǵaı, kúndiz burshaq pen daýyl kútiledi. Túngi jáne tańerteńgi ýaqytta soltústik pen shyǵys aımaqtarynda tuman bolady. Jel batysta, soltústikte jáne shyǵysta sekýndyna 15-20 metrge deıin kúsheıedi. Qostanaı qalasynda jańbyr men naızaǵaı bolady, jel tańerteń jáne kúndiz 15-20 m/s jyldamdyqqa jetedi.
Jetisý oblysynyń ońtústigi men taýly aımaqtarynda jańbyr, naızaǵaı jáne burshaq jaýýy yqtımal, kúndiz keı jerlerde qatty jańbyr jaýýy múmkin. Jel soltústik, shyǵys jáne taýly aýdandarda 15-20 m/s jyldamdyqqa deıin kúsheıedi. Oblystyń batysy men soltústiginde órt qaýpi joǵary deńgeıde, al ońtústik-shyǵys pen ońtústiginde tótenshe órt qaýpi saqtalady.
Abaı oblysynyń soltústik, shyǵys jáne ońtústik-batys bólikterinde jel 15-20 m/s jyldamdyqqa deıin kúsheıedi. Oblystyń shyǵys, ońtústik jáne ortalyq aımaqtarynda órt qaýpi joǵary deńgeıde, al soltústik-batysynda da órt qaýpi kútiledi.
Shyǵys Qazaqstan oblysynyń batysy, soltústigi jáne ońtústiginde jel 15-20 m/s jyldamdyqqa deıin kúsheıedi. Oblystyń batysynda órt qaýpi joǵary deńgeıde, al soltústik-batysynda da joǵary órt qaýpi saqtalady.
Aqmola oblysynyń batysy men soltústiginde kúndiz azdaǵan jańbyr men naızaǵaı bolady. Jel kúndiz 15-20 m/s jyldamdyqqa deıin jetedi. Túnde oblystyń shyǵys bóliginde 1 gradýs úsik kútiledi. Ońtústik-shyǵysynda órt qaýpi joǵary deńgeıde saqtalady. Kókshetaý qalasynda kúndiz azdaǵan jańbyr men naızaǵaı bolady.
Soltústik Qazaqstan oblysynda kúndiz jańbyr jaýady. Oblystyń batysy, soltústigi jáne ońtústiginde naızaǵaı, burshaq jáne daýyl kútiledi. Túnde jáne tańerteń shyǵys pen ońtústik aımaqtarynda tuman bolady. Jel batys, soltústik jáne ońtústik bólikterinde 15-20 m/s jyldamdyqpen, ekpini 25 m/s-qa deıin jetedi. Túnde oblystyń soltústiginde 1 gradýs úsik bolady. Batysynda órt qaýpi joǵary deńgeıde saqtalady. Petropavl qalasynda kúndiz jańbyr, naızaǵaı, burshaq jáne daýyl bolady, jeldiń jyldamdyǵy 15-20 m/s jetedi.
Pavlodar oblysynyń soltústik, batys jáne shyǵys bólikterinde órt qaýpi joǵary deńgeıde saqtalady.
Batys Qazaqstan oblysynyń soltústigi men shyǵysynda kúndiz jańbyr men naızaǵaı bolady.
Buǵan deıin 4 mamyrda aýa raıyna baılanysty birqatar óńirde eskertý jarııalanǵanyn habarlaǵan edik.
