Búginnen bastap qujattardyń baǵasy qalaı ózgerdi

Búginnen bastap elimizde aılyq eseptik kórsetkish artyp, 3 692 teńge boldy. Osyǵan baılanysty azamattar alatyn jeke kýálik, týý týraly kýálik syndy qujattardyń quny kóterilip otyr, dep habarlaıdy Kazinform.

Atap aıtar bolsaq, byltyr AEK mólsheri 3 450 teńge bolǵan edi. Bıyl ol 242 teńgege artyp otyr.

Osyǵan baılanysty qujattardyń baǵasy qymbattady.

Máselen, jeke kýálik quny — 0,2 AEK.

Byltyr ol 690 teńge bolsa, bıyl 738 teńgege jetti.

Júrgizýshi kýáligin alý úshin (1,25 AEK) 4 615 teńge shyǵyndaısyz.

Al tólqujattyń 36 jáne 48 bettik eki túri bar.

Birinshisiniń quny — 8 AEK nemese 29 536 teńge, ekinshisi — 12 AEK nemese 44 304 teńge.

24 bettik balalar tólqujaty — 4 AEK nemese 14 768 teńge.

Neke kýáliginiń baǵasy - 1 AEK, ıaǵnı 3 692 teńgeni quraıdy. Túrli sebeptermen qaıtadan alý kerek bolsa, onda 1 846 teńge jumsaısyz.

Balalardyń týý týraly kýáligi tegin beriledi.

Alaıda joǵaltyp alyp, qaıtadan jasatsańyz 1 846 teńge tóleýińizge týra keledi.

Al ajyrasýǵa ótinish berý 2 AEK-ti nemese 7 384 teńge boldy.