Kýveıttik kompanııa munaı óndirisin qysqartty

ASTANA. KAZINFORM — Kýveıt munaı kompanııasy elge Iran tarapynan qaıta-qaıta jasalǵan shabýyldarǵa baılanysty qarapaıym munaı óndirý men munaı óńdeý jumystaryn qysqartty, dep habarlaıdy Anadoly KUNA agenttigine silteme jasap.

Kompanııanyń habarlamasynda naqty óndiris kólemi kórsetilmegen, biraq bul shara «mólsherden tys saqtyq» dep sıpattalyp, jaǵdaı turaqtalǵan kezde burynǵy deńgeıge tolyq qaıtarýǵa daıyn ekendigi aıtylǵan.

Birer kún buryn memlekettik Qatar Energy kompanııasy suıytylǵan tabıǵı gaz (STG) óndirisiniń toqtatylýyna baılanysty fors-major jarııalady jáne tutynýshylarǵa óz mindettemelerin oryndaı almaıtyndyǵy týraly habarlady.

Eske salsaq, 28 aqpanda Tegeran men Vashıngton arasyndaǵy kelissózder júrgizilip jatqanda Izraıl men AQSh Iranǵa áskerı shabýyl jasady.

Iran óz kezeginde Qatar, Birikke Arab Ámirlikteri, Bahreın jáne Izraıldegi keıbir nysandarǵa shabýyl jasady.

AQSh pen Izraıldiń shabýylynan Iranda aıatolla Alı Hameneı men kóptegen joǵary laýazymdy sheneýnikter qaza tapty.

Irannyń Densaýlyq saqtaý mınıstrliginiń baspasóz hatshysy Hýseın Kermanpýr habarlaǵandaı, shabýyldardan jalpy 926 adam qaza tapqan.

Iran prezıdenti shabýyldan zardap shekken kórshi elderden keshirim suraǵany belgili boldy.