Qurylys materıaldary naryǵyndaǵy 5 kompanııa baǵany tómendetti

NUR-SULTAN. QAzAqparat - 8 kompanııa Básekelestikti qorǵaý jáne damytý agenttiginiń qurylys materıaldary boıynsha habarlamasyn oryndady, dep habarlaıdy QazAqparat vdeomstvoǵa silteme jasap.

«Memleket basshysynyń qurylys materıaldary naryǵynda sharalar qabyldaý jónindegi tapsyrmasyn oryndaý barysynda Básekelestikti qorǵaý jáne damytý agenttiginiń aýmaqtyq bólimsheleri barlyq óńirdegi qurylys materıaldary naryqtarynda baǵany kóterýdiń negizdiligine monopolııaǵa qarsy taldaý júrgizýdi jalǵastyrdy.

29 shildedegi jaǵdaı boıynsha qurylys materıaldary naryqtarynyń sýbektilerine buzýshylyq belgilerin joıý jáne baǵany tómendetý qajettiligi týraly 63 habarlama jiberildi (onyń ishinde 22-29 shilde aralyǵyndaǵy kezeńde 6 jańa habarlama)», delingen habarlamada.

Agenttiktiń málimetinshe, jiberilgen habarlamanyń 16-sy kirpishke qatysty, armatýra – 13, tsement – 17, beton – 8, qıyrshyq tas – 2, polıetılen qubyrlary – 3, shveller – 2, kabel – 1, shyny – 1.

Qazirgi ýaqytta 29 kompanııa habarlamany oryndaǵan. Al, 22-29 shilde aralyǵynda 8 kompanııa oryndady, onyń ishinde 5-ýi baǵany tómendetken.

«Pavlodar oblysynda armatýraǵa (»Fırma «Stalnoı soıýz» JShS, 397 220 teńgeden/tn 377 200 teńgege/tn deıin, «KЅR Steel» JShS, 351 000 teńgeden/tn 320 120 teńgege/tn deıin), Atyraý oblysynda («ÝralMetallInvest» JShS orta eseppen 450 000 teńgeden/tn 418 500 tengege/tn deıin jáne «KazTemırKontrakt» JShS 471 201 teńgeden/tn 430 109 teńgege/tn deıin).

Soltústik Qazaqstan oblysynda betonǵa («Logıka Stroı Resýrs» JShS, qabyrǵa bloktarynyń qunyn 25 000 teńgeden/tekshe metr 23 000 teńgege/tekshe metr deıin nemese 9 paıyzǵa tómendetti», delingen habarlamada.