Kún raıynyń buzylýynan trassalar jabylyp jatyr

QazAvtoJol kún raıynyń buzylýyna baılanysty respýblıkalyq mańyzy bar joldarda qozǵalysqa shekteý engizdi, dep habarlaıdy Kazinform.

Atap aıtqanda, Aqmola oblysynda saǵat 20.30-dan bastap «Kókshetaý – Atbasar» trassasynda kóliktiń barlyq túrine qozǵalysqa tyıym salyndy.

Sondaı-aq saǵat 22.00-den «Astana – Kókshetaý» avtojolynda («Astana – Şýchınsk – Kókshetaý») shekteý engizý josparlanyp otyr.

QazAvtoJol-dan málim etkendeı, kún raıynyń nasharlaýyna baılanysty Aqmola oblysynyń jol mamandary kúsheıtilgen jumys rejımine kóshti. Qazirgi ýaqytta 30 arnaıy tehnıka jumyldyrylǵan.

Jol qozǵalysyna qatysty qandaı da bir suraqpen táýlik boıy 1403 nómirine habarlasýǵa bolady.