Kún betinde qýatty jarqyl tirkeldi
ASTANA. 19 sáýir. QazAqparat - AQSh-tyń ǵarysh agenttigi NASA Kún betinde qýatty jarqyldyń bolǵanyn tirkedi jáne onyń sýretterin jarııa etti, dep habarlaıdy Habar agenttigi.
Kún betindegi qýatty plazma jarylysy Kún jarqyly dep atalatyn ámbege aıan. Keıinen ol birneshe mıllıon shaqyrymǵa deıin atylady jáne budan soń usaq bólshekteri ǵaryshqa taralady. Bul bólshekter ǵaryshta magnıt aǵynyn týdyratyny belgili. Búginde NASA Kúndi zertteý jónindegi 5 jyldyq baǵdarlamasyn iske asyrýda jáne Kún jarqylyn baqylaý osy baǵdarlama aıasynda josparlanǵan jumystardyń biri. NASA ǵalymdary keshe túnde bolǵan jarqyldy «Kún tájinen bólinip shyqqan bólshekterdiń keremet kórinisi» dep atady. Alaıda Kún jarqyly Jerge qaraı baǵyttalǵan joq. Sondyqtan ol Jerdiń magnıt órisine jáne ǵaryshtaǵy jasandy Jer serikteriniń jumsyna aıtarlyqtaı áser ete qoımaıdy.
