Qulsarydaǵy jarylysqa qatysty qylmystyq is qozǵaldy
ASTANA. KAZINFORM — Atyraý oblysy Qulsary qalasynda janarmaı beketindegi jarylysqa qatysty aýdandyq polıtsııa bólimi qylmystyq is qozǵap, keshendi tergeý amaldaryn bastady, dep habarlaıdy oblystyq polıtsııa departamenti.
— Polıtsııa qyzmetkerleri dereý jetip, qaýipti aýmaqty qorshaýǵa alyp, jedel qyzmetterdiń jumysyn úılestirýge kiristi. Avtokólikterdiń qozǵalysy baqylaýǵa alynyp, kezekshilik uıymdastyryldy. Jaǵdaı jedel baqylaýǵa alyndy, — delingen habarlamada.
Jelide Qulsarydaǵy jarylystyń beınejazbasy tarady.
Buǵan deıin Qulsaryda gaz-aýa qospasy jarylyp, 2 adam qaza tapqanyn jazdyq.
Keıinnen Serik Shápkenov Qulsarydaǵy janar-jaǵar maı beketinde bolǵan órtke qatysty jedel shtab otyrysyn ótkizdi.
Atyraý oblysynyń densaýlyq saqtaý basqarmasy Qulsarydaǵy jarylystan zardap shekkenderdiń jaǵdaıy týraly aıtty.
