Qulsaryda eki adamnyń múrdesi tabyldy
ASTANA. KAZINFORM – Búgin 7 sáýir kúni tańǵy saǵat 11 shamasynda Atyraý oblysy TJD kúshimen eki adamnyń denesi tabyldy. Bul týraly Atyraý oblystyq TJD baspasóz qyzmeti málim etti.
«Esterińizge sala keteıik, aǵymdaǵy jylǵy 6 sáýirde Jylyoı aýdanynyń Qulsary qalasynda 1974 jyly týǵan er adam dosymen birge ruqsat etý qujatynsyz sý basqan turǵyn úıdi tekserý úshin traktormen bara jatqanda, joldan shyǵyp aýdarylǵan. Іzdeý jumystaryna jeke quramnan 3 adam jáne 1 júzý quraly jumyldyryldy» - delingen habarlamada.
TJM azamattardy sý tasqyny kezeńinde óte muqııat bolýǵa jáne qaýipsizdik sharalaryn qatań saqtaýǵa, tıisti ruqsatsyz úıler men evakýatsııalaý pýnktterinen ketpeýge shaqyrady.
Buǵan deıin Qulsaryda sý tasqyny kezinde eki adam joǵalyp ketkeni jóninde aqparat shyqqan bolatyn.
