Kýbada 6,8 baldyq jer silkinisi boldy

ASTANA. KAZINFORM – Jer silkinisinen keıin tsýnamı týraly eskertý bolǵan joq, dep jazady Anadoly.

Kýbanyń ońtústiginde 6,8 baldyq jer silkinisi boldy.

AQSh Geologııalyq qyzmeti (USGS) jer silkinisiniń epıtsentri jaǵalaýdan ońtústikke qaraı 39 shaqyrym jerde Bartolom-Maso aımaǵynda bolǵanyn habarlady.

23,5 shaqyrym tereńdikte bolǵan jer silkinisiniń magnıtýdasy 6,8 boldy.

Jer silkinisinen keıin tsýnamı týraly eskertý jasalmaǵan, adam shyǵyny men materıaldyq shyǵyn týraly aqparat joq.

Aıta keteıik, buǵan deıin Almaty 10 baldyq jer silkinisi bolýy yqtımal seısmıkalyq qaýipti aımaqta ornalasqandyǵy týraly jazǵan edik.