Kýba prezıdenti qasyq qany qalǵansha elin qorǵaýǵa daıyn ekenin aıtty

ASTANA. KAZINFORM — Mıgel Dıas-Kanel AQSh-tyń Kýbany synǵa alýǵa quqyǵy joq ekenin, óıtkeni «barlyǵyn, sonyń ishinde adam ómirin de bızneske aınaldyratyn» amerıkalyq bılik ekenin atap ótti, dep habarlaıdy TASS aqparat agenttigi.

Kýba 66 jyl boıy AQSh-tyń orynsyz shabýyldaryna dýshar bolyp otyr, jáne óz táýelsizdigin «sońǵy tamshy qany qalǵansha» qorǵaýǵa daıyn. Kýba prezıdenti Mıgel Dıas-Kanel bul málimdemeni AQSh prezıdenti Donald Tramptyń sózderine jaýap retinde jasady. 

— Kýba — erkin, táýelsiz jáne egemen el. Eshkim bizge ne isteý keregin aıtýǵa quqyǵy joq. Kýba shabýyl jasamaıdy, AQSh bizge 66 jyl boıy shabýyl jasap keledi. Kýba qorqytyp jatqan joq, ol ózin sońǵy tamshy qanyna deıin qorǵaýǵa daıyndalyp jatyr jáne daıyn, — dep jazdy Dıas-Kanel X áleýmettik jelisinde. 

Kýba kóshbasshysynyń aıtýynsha, AQSh-tyń Kýbany aıyptaýǵa moraldyq quqyǵy joq, sebebi «barlyǵyn, sonyń ishinde adam ómirin de bızneske aınaldyryp otyrǵan — Amerıka bıligi».

— Búgin elimizge qatygezdikpen shabýyl jasap jatqandar halqymyzdyń óz saıası modeli paıdasyna jasaǵan erikti tańdaýyna ashýly. Biz bastan keshirip jatqan ekonomıkalyq qıyndyqtar úshin revolıýtsııany kinálaıtyndar uıalýy kerek, óıtkeni olar munyń AQSh-tyń bizge 60 jyl boıy kórsetip kele jatqan jáne qazir kúsheıe túsý qaýpi bar qatygez qysymynyń saldary ekenin biledi jáne moıyndap otyr, — dep qosty prezıdent.

Buǵan deıin Tramp Kýbany «tym kesh bolmaı turyp» AQSh-pen kelisimge kelýge shaqyrǵanyn jazǵan edik.