Kýba EAEO-men ekonomıkalyq baılanys ornatýǵa múddeli
Bul jaıynda Kýba Respýblıkasynyń Reseı Federatsııasyndaǵy Elshiliginiń ókiletti mınıstri Rene Monsote Lopes EEK-tiń ıntegratsııa jáne makroekonomıka jónindegi alqasynyń múshesi (mınıstri) Tatıana Valovaıamen kezdesýi barysynda aıtty, dep habarlaıdy QazAqparat.
Eýrazııalyq ekonomıkalyq komıssııa baspasóz qyzmetiniń málimetinshe, taraptar Eýrazııalyq ekonomıkalyq odaq elderiniń Kýbamen ekonomıkalyq yntymaqtastyǵy úshin múmkinshilikterdi, ózara saýdany arttyrýdy jáne birlesken ınvestıtsııalyq jobalardy júzege asyrý máselelerin talqyǵa salǵan.
EEK shtab-páterinde ótken kezdesýge Kýba Respýblıkasynyń Reseı Federatsııasyndaǵy Elshiliginiń saýda-ekonomıka máseleleri jónindegi elshi-keńesshisi Rolado Saııas Bý da qatysqan.
«Biz ulttyq úkimettermen ekijaqty qarym-qatynasty ǵana damytyp qana qoımaı, óńirlerdiń ıntegratsııalyq birlestikterimen de jan-jaqty baılanysty óristetýdemiz. Árıne, biz Kýba Respýblıkasynyń seriktestik baılanysty damytýǵa múddelik tanytýyn qoldaımyz», - dedi Tatıana Valovaıa.
Kýba Elshiliginiń ókiletti mınıstri Kýbanyń Syrtqy saýda jáne sheteldik ınvestıtsııalar mınıstriniń atynan qazan aıynyń sońy men qarasha aıynyń basynda ótetin halyqaralyq gavana jármeńkesine qatysýǵa jáne Gavanada EAEO-ny resmı tanystyrýǵa shaqyrýdy tabys etti.
