QR UQK Petropavlda bes adamdy ustady

ASTANA. QazAqparat -  Petropavl qalasynda bes adam ustaldy, dep habarlaıdy QazAqparat QR UQK baspasóz qyzmetine silteme jasap.

Baspasóz qyzmetiniń málimetinshe, búgin QR Ulttyq qaýipsizdik komıteti Ortalyq Azııa elderiniń birinen azamattar tobynyń halyqaralyq terrorıstik uıymdarǵa qatystylyǵyn tekserý jónindegi jedel-izdestirý sharalary nátıjesinde Soltústik Qazaqstan oblysy boıynsha ІІD-niń kúshterin qatystyrýmen Petropavl qalasynda bes adamdy ustaǵan.

«Qazaqstanda turýǵa yqtııarhaty bar sheteldikter halyqaralyq terrorıstermen baılanysy bar dep kúdiktenýde», delingen habarlamada.

Qazir Ulttyq qaýipsizdik komıteti atalǵan adamdardy seriktes memlekettiń quqyq qorǵaý organdaryna berý týraly másele qarastyrýda.