QR shekarashylary bes kılogramm esirtki tárkiledi
ASTANA. 23 qyrkúıek. QazAqparat - Demalys kúnderi qazaqstandyq shekarashylar 5 kılogrammǵa jýyq esirtki zattaryn tárkiledi. Bul týraly QR UQK ShQ baspasóz qyzmeti habarlady.
Shekara qyzmetkerleri «Bishkek - Máskeý» baǵytyndaǵy № 27 poezynyń «Merke t.j.» ótkizý pýnktinde vagondardyń bireýin tekserý kezinde jumysshy tambýrindegi peshtiń tútin shyǵatyn jerinen skotchpen oralǵan eki polıetılen paketti taýyp aldy. Ashý kezinde qoıý-jasyl tústi marıhýananyń ózine ǵana tán ıisi bar jalpy salmaǵy 4 kılogrammǵa jýyq zat tabyldy.
Osy kúnderi Qordaı shekara otrıadynyń «Betqaınar» zastavasynyń shekarashylary 1986 jyly týǵan Qyrǵyzstannan kele jatqan Qazaqstan azamatyn ustady. Odan salmaǵy 1 kılogrammdaı bolatyn untaq zat - geroın tabyldy.
Atalǵan oqıǵalar týraly arnaıy oryndarǵa habarlandy.
Osy faktiler boıynsha tekserý júrgizilýde.
