QR-da 5 adam órt qurbany boldy - QR TJM
ASTANA. 25 aqpan. QazAqparat - Táýlik ishinde Qazaqstannyń birqatar oblystarynda órt boldy, sonyń saldarynan 4 adam qaza taýyp, bir adam aýrýhanaǵa jatqyzyldy, dep habarlaıdy QR TJM-niń baspasóz qyzmetinen.
Juma, 24 aqpan kúni Aqmola oblysynyń Zerendi kentinde Lenın kóshesinde ornalasqan bir qabatty jekemenshik dúken órtene bastady. Jalyn 6 sharshy metrdi sharpydy. Oqıǵa ornynda 51 jastaǵy er adamnyń máıiti tabyldy. Órtti sóndirýge QR TJM-niń Aqmola oblysy boıynsha TJD órt sóndirý qyzmeti jeke quramynyń 8 adamy men 2 birlik tehnıkasy jumyldyryldy.
24 aqpan kúni Batys Qazaqstan oblysynyń Dostyq kentindegi Pıoner kóshesinde ornalasqan 3 páterli jeke turǵyn úıde órt boldy. Órt aýmaǵy 30 sharshy metrdi qurady. Oqıǵa ornynda 45 jastaǵy áıeldiń máıiti tabyldy, kúıip qalǵan 52 jastaǵy er adam aýrýhanaǵa jetkizildi. Tilsiz jaýdy aýyzdyqtaýǵa QR TJM-niń Batys Qazaqstan oblysy boıynsha TJD órt sóndirý qyzmeti jeke quramynyń 12 adamy men 4 birlik tehnıkasy jumyldyryldy.
Sol kúni Qaraǵandydaǵy Poselkovaıa kóshesinde ornalasqan jeke turǵyn úıden órt shyqty. Órt aýmaǵy 20 sharshy metrdi quraǵan. Oqıǵa ornynan 54 jastaǵy er adamnyń máıiti tabyldy. Órt QR TJM-niń Qaraǵandy oblysyndaǵy tótenshe jaǵdaılar departamenti órt sóndirý qyzmeti jeke quramynyń 9 adamy men 2 birlik tehnıkasy kómegimen óshirildi.
Qostanaı qalasynda 24 aqpan kúni Sadovaıa kóshesinde ornalasqan 6 qabatty turǵyn úıdiń páterinde órt boldy. Órt aýmaǵy 3 sharshy metrdi quraǵan. Oqıǵa ornynda esimi anyqtalmaǵan er adamnyń máıiti tabyldy. Órtti sóndirýge QR TJM-niń Qostanaı oblysy boıynsha TJD órt sóndirý qyzmeti jeke quramynyń 9 adamy men 2 birlik tehnıkasy qatysty.
