QR Bas prokýrory barlyq avtobýstardy tekserýdi tapsyrdy

ASTANA. QazAqparat - Qazaqstannyń Bas prokýrory Qaırat Qojamjarov oblys prokýrorlary men Bas kólik prokýratýrasyna turaqty emes jolaýshylar tasymaly salasyn tekserý jóninde tapsyrma berdi, dep habarlaıdy «QazAqparat» HAA Bas prokratýranyń Feısbýktegi paraqshasyna silteme jasap.

Turaqty emes jolaýshy tasymaly salasyna jasalǵan taldaýlar, mundaǵy  talaptardyń júıeli túrde buzylyp kelgendigin kórsetken.  Jolaýshy tasymaldaý jumystary aqaýly jáne zańsyz jabdyqtalǵan avtobýstarmen júrgizilip kelgen. Eshqandaı qujatsyz júrip, jol erejelerin birneshe márte buzǵandar da kezdesedi.

Bul - azamattardyń ómiri men densaýlyqtaryna tikeleı qaýip tóndiredi. Oǵan elimizde sońǵy kezde bolǵan oqıǵalar dálel bola alady.

Bas prokýratýra málimdegendeı, atalǵan sharanyń maqsaty jolaýshy tasymaldaý tártibi men erejelerin buzǵandarǵa shara qoldanyp, jol apattarynyń sebepterin anyqtaý.