QPL: «Turan» men «Ulytaý» teń oınady

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HHІІІ-týrynyń alǵashqy oıyn kúni aıaqtaldy.

Týrnır kestesinde sońǵy orynda kele jatqan «Turan» (Túrkistan) men «Ulytaý» (Jezqazǵan) kezdesýi jankúıerler qyzyǵýshylyǵyn týǵyzdy. Týrnır kestesinde sońǵy oryndarda kele jatqan eki komanda jeńiske jetýge barynsha kúsh saldy. Nátıjesinde komandalar 1:1 esebine qanaǵat bildirip tarasty.

Aıta ketsek, 13 qyrkúıekte «Atyraý» óz alańynda qostanaılyq «Tobyldy» 1:0 esebimen jeńse, petropavldyq «Qyzyljar» Kókshetaýdyń «Oqjetpesin» 3:1, shymkenttik «Ordabasy» astanalyq «Jeńisti» 2:1 esebimen qapy qaldyrdy.

Endi 14 qyrkúıekte 17:00–de «Qaırat» (Almaty) pen «Aqtóbe», 19:00–de «Astana» men «Elimaı» (Semeı) sheberlik aıqasady.

Sondaı-aq 16 qyrkúıekte 15:00–de «Jetisý» (Taldyqorǵan) men «Qaısar» (Qyzylorda) oınaıdy.