BAÁ áýe keńistigin tolyq ashatynyn jarııalady
ASTANA. KAZINFORM — BAÁ Azamattyq avıatsııasynyń bas basqarmasy Birikken Arab Ámirlikteriniń áýe keńistiginde aeronavıgatsııanyń tolyq qalpyna keltirilgenin jáne ýaqytsha saqtyq sharalarynyń joıylǵanyn jarııalady, dep habarlaıdy WAM.
Bul sheshim paıdalaný jaǵdaılary men qaýipsizdikti jan-jaqty baǵalaý nátıjesinde jáne tıisti organdarmen kelise otyryp qabyldandy.
Avıatsııalyq qaýipsizdiktiń eń joǵary deńgeıin qamtamasyz etý úshin naqty ýaqyttaǵy úzdiksiz monıtorıng jalǵasyp jatyr.
Buǵan deıin Birikken Arab Ámirlikteri áýe keńistigindegi shekteýlerdi 27 sáýirge deıin uzartqany habarlanǵan bolatyn.
Sondaı-aq FlyArystan Aqtaýdan Dýbaıǵa ushatyn reısterdi jazdyń sońyna deıin toqtatty.
