QPL: «Tobyl» óz alańynda «Jetisýdan» basym tústi

ASTANA. KAZINFORM - Fýtboldan Premer-lıga komandalary arasyndaǵy el birinshiligi 13-týrynyń alǵashqy oıyn kúni máresine jetti.

Sońǵy alty týrda bes márte jeńiske jetip, bireýinde teń nátıjege qanaǵat bildirgen qostanaılyq «Tobyl» sol sáttilik serııasyn jalǵastyrdy. Olar óz alańynda Taldyqorǵannyń «Jetisýyn» qabyldaǵan edi. 

Kezdesý barysynda qostanaılyq klýbtan Jaslan Jumashev 19-mınýtta esep ashsa, 72-mınýtta Islam Chesnokov basymdyqty arttyrdy. 

Oǵan «Jetisý» sapynan Rýslan Bolov 81-mınýtta bir golmen jaýap qaıyrdy.

Osylaısha «Tobyl» qarsylasynan 2:1 esebimen basym tústi.

Dál osyndaı eseppen semeılik «Elimaı» óz alańynda Túrkistannyń «Turanyn» jeńdi.

Bul oıynda semeılik klýbtan Fessý Plakka 4, Jan-Alı: Paırýz 91-mınýtta mergendik tanytsa, 76-mınýtta «Turan» sapynan Erasyl Sársenbaı kózdegen nysanadan múlt ketken joq. Atalǵan týrda kókshetaýlyq «Oqjetpes» Shymkenttiń «Ordabasy» komandasyna 0:1 esebimen jeńilip qaldy.

Qazirge deıin almatylyq «Qaırat» óz alańynda Petropavldyń «Qyzyljardy» 1:0 esebimen tize búktirse, «Jeńis» «Atyraýdy» 2:0 esebimen jeńdi.

Endi 22 maýsymda «Qaısar» (Qyzylorda) men «Ulytaý» (Jezqazǵan), «Aqtóbe» men «Astana» jasyl alańǵa shyǵady.