QPL: «Tobyl» óz alańynda «Ordabasyny» súrindirdi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan ІH-týrynyń sońǵy oıyny ótti.

Bul kezdesýde qostanaılyq «Tobyl» men shymkenttik «Ordabasy» sheberlik baıqasty.
Qostanaılyq klýb bıyl bas júldeden áli de úmitker. Sondyqtan olar úshin árbir kezdesýdiń mańyzy artyp tur.

Al «Ordabasy» týrnır kestesindegi jaǵdaıyn odan ári jaqsarta túsýdi qalaıdy. 
Kezdesý barysynda komandalar alǵashqy mınýttan jyldam gol soǵýǵa tyrysty. Nátıjesinde «Tobyl» sapynan Islam Chesnokov 14-mınýtta penaltıden múlt ketken joq.

Osylaısha qostanaılyq klýb qarsylasyn 1:0 esebimen qapy qaldyrdy.

Endi atalǵan eki komanda 4 qazanda Qyzylordada Qazaqstan kýbogy fınalynda kezdesedi.
Atalǵan týrdaǵy ózge oıyndar 17 jáne 18 mamyr kúnderi ótkizildi. 17 mamyrda Kókshetaýdyń «Oqjetpesi» «Aqtóbege» 1:3 esebimen ese jiberse, «Atyraý» men «Jetisý» (Taldyqorǵan) 1:1 esebimen teń tústi.

Sondaı-aq 18 mamyrda Jezqazǵannyń «Ulytaýy» «Astanaǵa» 0:2 esebimen jeńilse, Qyzylordanyń «Qaısary» túrkistandyq «Turandy», Semeıdiń «Elimaıy» almatylyq «Qaıratty» 1:0 esebimen qapy qaldyrdy.

Al «Jeńis» (Astana) men «Qyzyljar» (Petropavl) 0:0 esebimen teń tústi.

Aldaǵy týr oıyndary 27, 28 qyrkúıek jáne 5 qazan kúnderi ótkiziledi.