QPL: «Tobyl» búgin óz alańynda «Astanamen» kezdesedi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan HH-týrynyń sońǵy oıyny ótedi. 

Bul kezdesýde «Tobyl» (Qostanaı) men «Astana» sheberlik baıqasady.

Eki komanda bıyl el birinshiliginde bas júldege úmitker bolyp otyr. Sondyqtan atalǵan oıynnan jankúıerler tartysty báseke kútedi. Týrnır kestesinde «Astana» 47 upaımen ekinshi orynda tursa, úshinshi oryndaǵy «Tobyldyń» 44 upaıy bar. oǵan qosa qostanaılyq klýbtyń atalǵan qarsylasynan bir oıyny kem.

Bul týrda 9 mamyrda astanalyq «Jeńis» Almatynyń «Qaıratyna» 1:2 esebimen jeńilse, 9 tamyzda Kókshetaýdyń «Oqjetpesi» Taldyqorǵannyń «Jetisýyn» 3:0, Jezqazǵannyń «Ulytaýy» Petropavldyń «Ertisimen», 9 tamyzda «Atyraý» Túrkistannyń «Turanymen» 1:1 esebimen teń oınady.

Al Semeıdiń «Elimaıy» «Aqtóbeni» 2:1 esebimen jeńdi.

Surmergender kóshinde Nazmı Grıpshı («Astana») 13 golmen kósh bastap tursa, odan keıingi oryndarda Marın Tomasov («Astana»), Dastan Sátpaev («Qaırat») pen Dáýren Jumat («Oqjetpes») 9 golmen keledi.

Eske salsaq, budan buryn fýtboldan UEFA Chempıondar lıgasy negizgi kezeńindegi alǵashqy oıynda «Qaırat» portýgalııalyq «Sportıng» komandasyna ese jiberdi.