QPL: «Ordabasy» óz alańynda «Aqtóbeden» basym tústi
ASTANA. KAZINFORM — Fýtboldan Qazaqstan Premer-lıgasy VIІІ týry máresine jetti.
Kezdesý barysynda komandalar jyldam gol soǵý m.mkindigin izdedi. Nátıjesinde nebári 2-mınýtta shymkenttik klýbtan Moraes Everton mergendigimen kózge tústi. Odan keıin aqtóbelik fýtbolshylar tarazy basyn teńestirýge umtyldy. Degenmen dittegen maqsatyna jete alǵan joq.
Ekinshi kezeńde de komandalar tolassyz shabýyldar uıymdastyrdy. Oıyn sońyna deıin tablodaǵy esep ózgerissiz turǵan edi. Osyndaı sátterdiń birinde 94-mınýtta «Ordabasynyń» jas shabýylshysy Jasulan Ámir kezdesý núktesin qoıdy.
Osylaısha shymkenttik klýb qarsylasynan 2:0 esebimen basym túsip, týrnır kestesinde 18 upaımen almatylyq «Qaıratpen» alǵashqy eki oryndy ózara bólisip tur.
2 mamyr
«Ertis» (Pavlodar) — «Qaırat» (Almaty) 0:1
«Qaısar» (Qyzylorda) — «Jetisý» (Taldyqorǵan) 1:1
3 mamyr
«Ulytaý» (Jezqazǵan) — «Elimaı» (Semeı) 1:0
«Atyraý» — «Altaı» (Óskemen) 1:0
«Jeńis» (Astana) — «Tobyl» (Qostanaı) 1:0
«Kaspıı» (Aqtaý) — «Astana» 1:0
«Ordabasy» (Shymkent) — «Aqtóbe» 2:0.
Endi aldaǵy toǵyzynshy týr oıyndary 9 jáne 10 mamyr kúnderi ótkiziledi.
Eske salsaq, budan buryn «Kaspıı» birinshiliktegi alǵashqy jeńisine jetti.
