QPL: «Qaırat» «Ordabasyny» oısyrata jeńdi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń ekinshi týryndaǵy «Qaırat» pen «Ordabasy» kezdesýiniń nátıjesi belgili boldy.

Kezdesý barysynda almatylyq klýbtyń belsendiligi baıqaldy. Alǵashqy mınýttan shabýylǵa ıek artqan komanda jyldam gol soǵýǵa umtyldy. Degenmen oǵan shymkenttik klýb tegeýrindi qarsylyq kórsetti.

Grýzııalyq jartylaı qorǵaýshysy Georgı Zarıa 9, 45-mınýttarda mergendik tanytsa, oıynnyń 38-mınýtynda almatylyq klýbtyń brazılııalyq shabýylshysy Joao Paolo óz múmkindigin múlt jibergen joq. 

Al 73-mınýtta almatylyq klýbtan ıÝg Stanoev qorytyndy esepti belgiledi,

Osylaısha «Qaırat» qarsylasynan 4:0 esebimen basym túsip, týrnır kestesinde joǵary orynǵa kóterildi.

Sondaı-aq alǵashqy oıyn kúninde «Oqjetpes» klýby «Atyraýdan» 2:1 esebimen basym tússe, «Jeńis» «Tobyl», «Jetisý» men «Ulytaý» 0:0 esebine qanaǵat bildirdi.

Sondaı-aq 9 naýryzda «Aqtóbe» men «Turan» (Túrkistan), «Elimaı» (Semeı) men «Qaısar» (Qyzylorda), «Qyzyljar» (Astana) men «Astana» sheberlik baıqasady.