QPL: «Qaırat» Qyzylordada «Qaısarmen» teń tústi

ASTANA. KAZINFORM — Búgin fýtboldan Premer-lıga komandalary arasyndaǵy Qazaqstan chempıonatynyń besinshi týrynda almatylyq «Qaırat» syrt alańda qyzylordalyq «Qaısarmen» teń oınady. 

Almatylyq klýb bıyl birinshilikti sátti bastaǵan edi. Alǵashqy bes oıynnan keıin 13 upaı jınap, birinshi orynǵa jaıǵasty. Budan buryn qatarynan tórt márte jeńiske jetken olar bul joly da úsh upaı oljalap qaıtýǵa kúsh saldy.

Dese de olarǵa qyzylordalyq ujym laıyqty oıyn kórsetti. Kileń qazaqstandyq fýtbolshylardan quralǵan «Qaısar» tájirıbeli qarsylasyna tótep bere bildi.

Nátıjesinde kezdesý 0:0 esebimen teń aıaqtalyp, kishigirim sensatsııa tirkeldi.

Sondaı-aq qazir «Turan» (Túrkistan) men «Astana» kezdesip jatyr. Besinshi týrdy «Jeńis» (Astana) pen «Elimaı» (Semeı) komandalary túıindeıdi.

Al 19 sáýirde jezqazǵandyq «Ulytaý» óz alańynda kókshetaýlyq «Oqjetpeske» 0:1, «Atyraý» petropavldyq «Qyzyljarǵa» 1:2 esebimen ese jiberse, qostanaılyq «Tobyl» «Aqtóbeni» 3:0, shymkenttik «Ordabasy» taldyqorǵandyq «Jetisýdy» 1:0 esebimen jeńdi.