QPL: «Atyraý» komandasy «Ordabasydan» jeńildi

ASTANA. KAZINFORM - Fýtboldan Premer-lıga komandalary arasyndaǵy Qazaqstan chempıonatynyń jetinshi týryndaǵy alǵashqy oıyn kúni máresine jetti.

Búgin, 3 mamyrdaǵy sońǵy oıynnyń birinde «Atyraý» óz alańynda shymkenttik «Ordabasyny» qabyldady. Qatarynan jeti márte jeńilistiń aşy dámin tatqan atyraýlyq klýb bul joly qarsylasyna ese jibere qoımas degen úmit bolǵan edi.

Al bıyl birinshilikti sátsiz bastaǵan shymkenttik klýb buǵan deıin eki márte jeńiske jetip, týrnır kestesindegi jaǵdaıyn jaqsarta tústi. Sol sáttilik serııasyn búgin de jalǵastyrdy.

Kezdesý barysynda olardyń qatarynan Sergeı Malyı 37, Sultanbek Astanov 52-mınýtta gol soqsa, oǵan atyraýlyq klýbtan Mıram Sapanov 89-mınýtta bir golmen jaýap qaıyrdy. Osylaısha «Atyraý» qarsylasyna 1:2 esebimen ese jiberdi.

Sondaı-aq «Turan» (Túrkistan) men «Jetisý» (Taldyqorǵan) 0:0 esebine qanaǵat bildirdi.

Al syrt alańda almatylyq «Qaırat» jezqazǵandyq «Ulytaýdy» 4:1 esebimen jeńse, «Aqtóbe» elordalyq «Jeńisti» 1:0 esebimen tize búktirdi.

Endi 4 mamyrda «Qaısar» (Qyzylorda) men «Astana», «Elimaı» (Semeı) men «Oqjetpes» (Kókshetaý), «Tobyl» (Qostanaı) men «Qyzyljar» (Petropavl) sheberlik baıqasady.