QPL: «Astana» men «Qaırat» alǵashqy týrda teń tarqasty

ASTANA. KAZINFORM - Búgin fýtboldan Qazaqstan Premer-lıgasynyń (QPL) І týr oıyndary jalǵasyn tapty. 

Elordalyq «Astana» fýtbol klýby óz alańynda almatylyq «Qaırat» fýtbol komandasyn qabyldady.

Birnshi taımda qarsylastarda gol soǵýǵa múmkindikter boldy. Oıynnyń 42-mınýtynda elordalyq komandanyń shabýylshysy Marın Tomasovtyń alystan baǵyttaǵan soqqysy qaqpa torynda týlady.

Ekinshi taımda «Qaırat» shabýyldy kúsheıtti. Urymtal sátterdiń birinde almatylyq komandanyń jas oıynshysy Dastan Sátpaev gol soǵyp, 66-mınýtta tarazy basyn teńestirdi. Osylaısha, qos klýb el birinshiligindegi alǵashqy oıyndaryn teń nátıjemen aıaqtady. 

Aıta keterligi, eki komanda buǵan deıin ótken maýsymda Almatyda kezdesip, ol oıynda astanalyqtardyń mereıi ústem bolǵan edi.

Sondaı-aq «Astana» klýby ótken maýsymda alǵash ret Lıga kýbogynyń chempıony, al «Qaırat» Qazaqstan Premer lıgasynyń jeńimpazy atandy.