QPL: «Aqtóbe» komandasy «Elimaıdan» iri eseppen jeńildi

ASTANA. KAZINFORM – Qazaqstan Premer-lıgasynyń úshinshi týrynda «Aqtóbe» komandasy Semeıdiń «Elimaıynan» jeńilip qaldy. 

Eki komanda bıyl júldege qol jetkizýi múmkin klýbtar qataryna endi. Sondyqtan jankúıerler tarapynan bul kezdesýge erekshe qyzyǵýshylyq bolǵany ras. 

Oıyn barysynda aqtóbelik klýbtan Artýr Shýshenachev 17-mınýtta esep ashqan edi. Oǵan semeılik klýb úsh sholmen jaýap berdi. Aldymen Fessý Plakka 59-mınýtta penaltıdi múltiksiz oryndasa, odan keıin Roman Murtazaev 77, 92, Aıbar Jaqsylyqov 85-mınýtta mergendigimen kózge tústi. Osylaısha aqtóbelik klýb qarsylasyna 1:4 esebimen ese jiberdi.

Bul jeńisten keıin «Elimaı» 5 upaımen besinshi orynǵa kóterilse, «Aqtóbe» 2 upaımen 10-orynǵa tómendedi.

Endi tórtinshi týrda óz alańynda «Elimaı» 4 sáýirde qostanaılyq «Tobylmen» oınasa, «Aqtóbe» 5 sáýirde syrt alańda Jezqazǵannyń «Ulytaýymen» sheberlik baıqasady.

Úshinshi týrda kókshetaýlyq «Oqjetpes» Jezqazǵannyń «Ulytaýyn» 2:1, elordalyq «Astana» Qostanaıdyń «Tobylyn» 2:0 esebimen qapy qaldyrsa, shymkenttik «Ordabasy» qyzylordalyq «Qaısardy» 2:0 esebimen jeńdi, al «Jetisý» (Taldyqorǵan) men «Qaırat» (Almaty), «Atyraý» men «Jeńis» (Astana) 0:0, «Qyzyljar» (Petropavl) men «Ertis» (Pavlodar) 2:2 esebimen teń oınady.