Koýchtan keńes: Áıel baqytynyń formýlasy nede
ASTANA. KAZINFORM – BOOKFEST-2025 festıvalinde kásibı koých Janna Ospanova áıel garmonııasynyń qupııasyn ashyp, jańa «ıA ı moı mýjchına: Prıchem týt papa?» kitabyn tanystyrdy. Kazinform tilshisi koýchpen otbasylyq qundylyqtar men áıel damýy týraly mańyzdy taqyryptarda tildesti.
Balalyq shaqtaǵy jara – baqytqa tosqaýyl
Janna – áıel janynyń tereń qatparlaryn túsinetin koých.Ol bul salany on jyldyq tájirıbe barysynda meńgergen. Júzdegen áıeldiń ómirin túbegeıli ózgertip, otbasylyq qundylyqtar salasynda tereń mamandanǵan. Praktıkalyq psıhologııanyń tyń baǵyty – neırolıngvıstıkalyq baǵdarlamalaý tilin jetik meńgerip, halyqaralyq deńgeıdegi Erıkson ýnıversıtetiniń sertıfıkatyn alǵan.
Janna úshin koýchıng – jaı keńes berý emes, adamnyń ishki áleýetin oıatyp, shynaıy ózgeristerge jeteleıtin qural. Osy erekshe kózqarasynyń jemisi – «ıA ı moı mýjchına. Tak prı chem týt papa?» atty eńbegi.
– Bul kitap áıeldiń balalyq shaqtaǵy áke obrazy men eresek ómirdegi qarym-qatynastary arasyndaǵy baılanysty tereń taldaıdy. Іshki jarany emdeýge, ózin tanýǵa, durys tańdaý jasaýǵa kómektesedi, – deıdi ol.
Koýchtiń pikirinshe, balalyq shaqtaǵy árbir «jaraqat» - boıjetkenderdiń baqytty ómir qurýyna kedergi. Janna osy máselege erekshe nazar aýdarýǵa shaqyrady, óıtkeni naǵyz ózgeris pen saýyqtyrý ishki álemnen bastalý kerek.
Kózqaras aıyrmashylyǵy ajyrasýǵa sebep emes
Koýchty erekshe alańdatatyn másele – elimizde ajyrasýdyń qarqyndy ósýi. 6 balanyń anasy retinde ol bul trendtiń tereń áleýmettik mańyzyn jaqsy túsinedi.
Jannanyń aıtýynsha, qazir kóptegen áıel psıhologııalyq trenıngterden ótip, ózin tereń taný barysynda kúıeýimen kózqaras aıyrmashylyǵyn baıqaıdy. Biraq bul - ajyrasýǵa sebep emes.
– Baqyttyń formýlasy ár otbasyda ártúrli. Ár shańyraq – shaǵyn memleket tárizdi, óz erejeleri, qundylyqtary men dástúrleri bar. Degenmen, barlyq otbasyda ortaq qaǵıdalar bolýy tıis. Ol – bir-birin tyńdaý, qabyldaý, jeke shekarany qurmetteý, ózara syılastyq pen jaýapkershilik, – deıdi Janna.
Sonymen qatar ol qıyndyqtar týyndaǵanda kásibı kómekke júginýdiń mańyzyn aıtady jáne sertıfıkattalǵan mamandar, tájirıbeli koýchtar men psıhologtardyń kómegine ǵana júginýge shaqyrady.
«Tepe-teńdik prıntsıpi» degenimiz ne?
Koých mańyzdy salalardy úılestirýde «tepe-teńdik prıntsıpi» kómektesetinin aıtady. Bul quralǵa otbasy, jumys, balalar, sport, hobbı jáne ózin-ózi taný sııaqty negizgi baǵyttar kiredi. Ár baǵytty 1-den 10-ǵa deıin baǵalap, óz ómirińdegi ár salanyń qalaı damyp jatqanyn baqylaýǵa bolady.
– Qazir áıeldiń róli burynǵydaı tek úı sharýasymen shektelmeıdi. Ol – bilim alýshy, únemi damyp, armanyna umtylatyn tulǵa. Áıeldiń máni onyń jan tynyshtyǵy men damý múmkindiginde, ómirlik mıssııasyn oryndaýda, qaýipsizdik pen quqyqtyq teńdikte jatyr. Sondyqtan ol túrli tehnıkalardy paıdalana otyryp, ózin jetildirýi kerek, – deıdi Janna Ospanova.
Mamannyń áıelderge ómirlik maqsattaryn anyqtap, naqty jospar qurýǵa, damýǵa kómektesetinin bildik. Biraq ol tabystyń náziktik pen myqty jiger toǵysqanda ǵana keletinin jasyrmaıdy.
– Maqsatym – áıelderdiń ishki áleýetin ashýǵa jáne olardyń ómirlik tepe-teńdigin saqtaýǵa kómektesý. Al adamnyń alǵa umtylýy tikeleı ózine baılanysty, – deıdi ol.
Aıta keteıik, Marwin/Meloman dúkender jelisi uıymdastyrǵan «BOOKFEST-2025» festıvali aıasynda Djo Dıspenzanyń kitaby qazaq tilinde jaryq kórgeni málim bolǵan edi.