Qytaı AQSh sanktsııalarynyń oryndalýyna kedergi keltirdi
ASTANA.KAZINFORM - Qytaı Saýda mınıstrligi Qytaıdyń munaı-hımııa kompanııalaryna salynǵan AQSh sanktsııalaryn engizýge tyıym salatyn buıryq shyǵardy, dep habarlaıdy Kazinform agenttiginiń Beıjińdegi tilshisi.
Qytaı Saýda mınıstrliginiń ókili ótken apta sońynda AQSh Iranmen munaı kelisimderine qatysy bar degen kúdikpen 2025 jyldan bastap bes qytaılyq kompanııaǵa sanktsııa engizgenin málimdedi.
Sanktsııalar tizimine Hengli Petrochemical (Dalian) Refining Co. Ltd., Shandong Shouguang Luqing Petrochemical Co. Ltd., Shandong Jincheng Petrochemical Group Co. Ltd., Hebei Xinhai Chemical Group Co. Ltd. jáne Shandong Shengxing Chemical Co. Ltd. kiredi.
AQSh sharalaryna kompanııalardy arnaıy belgilengen ulttyq tizimge qosý kiredi. Bul mártebe olardyń aktıvterin buǵattaýdy jáne olarmen baılanysty kez kelgen tranzaktsııalarǵa tyıym salýdy qamtıdy.
Buǵan deıin Beıjińniń Vashıngtonnyń Qytaı munaı kompanııalaryna salǵan sanktsııasyna qarsy shyqqanyn habarlaǵan edik.
