Qostanaılyq ustazdarǵa 185 mln teńge qaıtarylady

QOSTANAI. KAZINFORM –  Qostanaı oblysynda muǵalimderdiń quqyǵy óreskel buzylyp, olarǵa tıesili 185 mln teńge tólenbegen. 

Qostanaı oblysynyń prokýratýrasy bilim berý salasy qyzmetkerleriniń konstıtýtsııalyq quqyqtarynyń buzylǵanyn anyqtady. Qyzmetkerlerge zeınetkerlik jasqa jetkende kepildendirilgen ótemaqy jáne issapar shyǵyndary tólenbegen faktiler anyqtaldy.

- Jumystan bosatý týraly buıryqtarda zeınetkerlik jasqa tolýyna baılanysty sharttyń buzylǵany kórsetilmegen, biraq eńbek sharty taraptardyń kelisimi boıynsha nemese qyzmetkerdiń ótinishi boıynsha buzylǵany atap ótildi. Barlyǵy 350 qyzmetker anyqtaldy, olarǵa 38 mıllıon teńgeden astam ótemaqy tólenbegen. Sonymen qatar bilim bólimderi memlekettik tapsyrys sheńberinde biliktilikti arttyrý kýrstarynan ótken pedagogtarǵa issapar shyǵyndarynyń tólenbegeni anyqtaldy. Konstıtýtsııalyq quqyqtary buzylǵan jáne olarǵa 185 mıllıon teńgeden artyq tólenbegen 1,8 myńnan astam pedagog anyqtaldy, - delingen Qostanaı oblysynyń prokýratýrasy habarlamasynda.

Qadaǵalaý aktileri boıynsha 60 mıllıon teńgeden astam somaǵa tólemder júrgizilgen 405 muǵalimniń quqyqtary qorǵaldy. Qalǵan qyzmetkerlerge tólemder jaqyn arada tólenetin bolady.

Buǵan deıin Qostanaı oblysynda altyndy zańsyz óndirgen kompanııaǵa 2,6 mln teńge aıyppul salynǵany týraly jazǵan edik.